மனதின் உள்ளே மறுமொழி ஓடுது
மருண்ட பார்வை
மௌனம் காக்குது
தப்பு என்று சொல்லத் தயங்கி
மனமொழி மௌனமாய்
மறுமொழி பேசுது
பூட்டிய வாயும்
ஆட்டிய தலையும்
காட்டிய இணக்கம்
எனப் பொருள் கொண்டு
ஆள்பவனை ஆளவிட்டு
அழுபவன் அழுகின்றான்
வாய் திறக்க
தலை அசைக்க
கை உயர்த்திக் கருத்துரைக்க
கதியற்ற கதிரவன்கள்
கருகிப் போவது இப்படித்தான்
இவன்
மௌனம் சம்மதமாய்
பரம்பரையாய் ஆளுகின்றான்
வாய் திறக்கப் பயந்தவன்
மன அலையில் இழுபட்டு
மணல் வாரித் தூற்றிவிட்டு
கரையோரம் களைத்துப் போய்
கனவோடு உறங்குகின்றான்.
கருத்துகள் இல்லை:
கருத்துரையிடுக