விழி பிதுங்கும் மொழி மாற்றம் - குளிகை

'குளிகை' என்ற தமிழ்ச்சொல் மாத்திரை என்று நாம் பொதுவாக அழைக்கிற மருந்து வில்லையைக் குறிக்கும். முன் காலத்தில் மருந்து உருட்டி உருண்டையாக  'குளிகை' என்ற அளவில் கொடுக்கப்பட்டது. Tablet என்ற ஆங்கிலச் சொல்லுக்கும் இந்தப் பொருள் உண்டு. 

முன் காலத்தில் களிமண் தட்டுகள் செய்து அதில் எழுத்தைப் பொறித்து சுட்டு அவற்றைப் பாதுகாப்பது வழக்கம். அந்தத் தட்டுகளுக்கு Tablet என்று ஆங்கிலத்தில் வழக்கம். கணினி வகையில் இப்படித்தான் சின்னத் தட்டுக்கள் போன்ற உருவத்தில் கைவிரல் தொட்டு எழுதி இயக்க முடிகிற கணினிக்கு Tablet என்ற பழைய சொல் மீண்டும் வழக்கிற்கு வந்தது. இதைப் பின் பற்றினால் நாமும் சுவடி என்ற பொதுச் சொல்லை மீண்டும் வழக்கத்திற்குக் கொண்டுவரலாம். ஓலைச் சுவடி, அரிச்சுவடி என்பதைப் போன்றே சுவடி என்ற பொதுச்சொல்லை எடுத்துக் கொண்டு, மின் சுவடி அல்லது, கணிச்சுவடி என்று கூடப் பெயரிட்டுக் கொள்ளலாம். அதை விட்டுவிட்டு ‘குளிகை’ என்று மொழி மாற்றம் செய்து விழிபிதுங்க விடுவது சரியில்லை.

இனி Tablet (as in smart devices) என்பது ‘கணிச்சுவடி’.

Netbook என்பது ‘வலைச்சுவடி’

புதுச் சொல் - 1 மடிணி

தமிழ் மொழிபெயர்ப்பு பல துறைகளிலும் வேகமாக நடந்து கொண்டிருக்கும் காலம் இது. 

தமிழ் ஆங்கிலம் மொழி மாற்றம் செய்யும் போது விதவிதமான மொழிபெயர்ப்புக்களைப் பார்க்கிறேன்.

புதிய வார்த்தைகள் கிடைக்காமல் அல்லாடி, ஒரு சொல்லுக்குப் பதில் நீளமான வாக்கியமாக்கிவிடும் உத்தி நிறைய கையாளப்படுகிறது. தமிழில் வார்த்தைவளம் அதிகம் உண்டு. வடசொல், திரி சொல், பிறசொல், திசைச் சொல் என்று பிற மொழிச் சொற்களைத் தமிழ்ப்படுத்தும் உத்திகளை இலக்கணம் அனுமதிக்கிறது. கொஞ்சம் நேரம் செலவழித்து சிந்தித்தால் நல்ல சொற்களை எழுதலாம். உதாரணமாக Laptop என்ற ஆங்கிலச் சொல்லுக்கு இணையான எளிய சொல் எப்படிக் கொண்டுவரலாம் என்பதை என் முந்தைய பதிவில் பாருங்கள்: http://www.vicitran.blogspot.in/2014/05/laptop.html

வேனிற்கால இரவு வானம்

இரவில் மொட்மை மாடியில் படுத்து இருள் போர்த்திய வானத்தையும் நட்சத்திரங்களையும் கவனிக்கிறீர்களா? நன்றாக உற்றுப் பாருங்கள். அநேகமாக எல்லா நட்சத்திரங்களுமே ஒரு சமயம் திடீரென்று ஓட ஆரம்பிக்கும். ஒரு சுற்று சுற்றி மேலே ஓடி மறுபடி கீழே ஓடி அலைபாயும். மணிக்கு 1673.7 கி.மீ வேகத்தில் விண்ணில் ஓடிக் கொண்டிருக்கிற பூமி மீது பயணிக்கிற நாம் இந்த விண்வெளிப் பயணத்தை கண்ணால் கண்டு, உணர்ந்து அனுபவிக்க இந்த நட்சத்திர நடனம் உதவுகிறது.

வேனிற்கால இரவு வானம் தெளிவாகவே இருக்கிறது. கடற்கரை ஓரம், காட்டின் நடுவில், மொட்டை மாடியில் ... இடம் பார்த்து இரவு பார்த்தால் விண்ணின் ஜாலம் தெரிகிறது.