Robert Caldwell - Comparative grammar of Dravidian Languages (Tamil Translation)-4

Original book:
Title: Comparative grammar of Dravidian Languages (Tamil Translation)
Author: Bishop Robert Caldwell
Note: In this blog you can read Tamil translation of the book as a serial.

Author note: This translation is an individual's effort. If anyone wants to help to publish this faster and as a hardcopy book, you are welcome.

விசித்ரசித்தன் வாசகர்கள் கவனத்திற்கு – விசித்ரசித்தன் மொழி பெயர்ப்பு வேலை தொடந்து நடந்தாலும், Caldwell புத்தக வேலை அதைவிட அருமையானது என்பதால், தற்சமயம் விசித்ரசித்தன் வெளிவரும் வேகம் குறைகிறது, ஆனால் நின்றுவிட வில்லை. தொடர்ந்து படிக்கவும்.

தென் இந்திய வழக்கு மொழிகள் – 3

கொச்சியிலும் அதை ஒட்டிய பகுதிகளிலும் உள்ள யூத மக்கள், பிராமணர்கள் சமஸ்கிருதம்  பேசுகிற அதே காரணங்களுக்காக ஹிப்ரூ மொழியைப் பேசுகிறார்கள். சில முக்கிய நகரங்களில் குஜராத்திய வட்டிக் கடைக்காரர்களும் பிற கடைகள் நடத்தும் பாரசீகர்களும் குஜராத்தி மற்றும் மராத்தி பேசுகிறார்கள். இந்திய மண்ணில் பிறந்த கலப்பினமான போர்ச்சுகீசியர்கள் தங்கள் தாய் தந்தையர் பேசிவந்த கொச்சை போர்ச்சுகீசிய மொழியை (கோவா பகுதி தவிர்த்துப் பிற இடங்களில்) வேகமாகக் கைவிட்டு ஆங்கிலத்தைக் கற்றுக்கொண்டு இருக்கிறார்கள்; ஆனால் ஃப்ரஞ்சு அலுவலர்களும் அவர்கள் பரம்பரையும் இன்னும் ஃப்ரான்சு வசமே உள்ள பாண்டிச்சேரி (புதுச்சேரி), காரைக்கால், மாஹே (மயூரி) இந்த இடங்களில் ஃப்ரஞ்சு மொழி தன் இடத்தைத் தக்கவைத்துக் கொண்டிருக்கிறது.

ஆங்கிலம், பிரிட்டிஷ் இந்தியப் பகுதிகளில் ஆளும் வர்க்கத்தின் மொழியாக மட்டும் இல்லாமல் கிழக்கிந்திய, ஐரோப்பிய அல்லது இந்திய-பிரிட்டிஷ் மக்களிடமும் வழங்கி வருகிறது; அத்தோடு நீதி, வணிகம் போன்ற அரசுத் துறை நிர்வாகத்தில் உள்ள உள்ளூர் வாசிகளிடமும் அது பரவியிருக்கிறது; மெட்ராஸ் பிரஸிடென்சி மற்றும்முக்கிய நகரங்களில் அது உயர்கல்வி மொழி என்றிருந்த சமஸ்கிருதத்தின் இடத்தை ஏற்கனவே பிடித்துக் கொண்டு விட்டது. ஆனாலுல்கூட ஆங்கிலமோ அன்றி வேறெந்த அந்நிய மொழியோ வழக்கு மொழியாக மாறிவிடும் சந்தர்ப்பம் தென்னிந்தியாவில் எந்தப்பகுதியிலும் இல்லை என்றுதான் தெரிகிறது. பலமும், எண்ணிக்கையும் (and venerated race) இனத்தின் மொழியான சமஸ்கிருதத்தையும் மீறி இரண்டு ஆயிரம் ஆண்டுகாலமாக தங்கள் இடத்தைக் காப்பாற்றிக் கொண்டு வந்த இந்த உள்ளூர் திராவிட மொழிகள் எந்த ஒரு அந்நிய மொழிக்கும் இடங்கொடாமல் வெற்றிகரமாகப் பிழைத்துக் கொண்டுவிடும் என்றே எதிர் பார்க்கலாம்.

அடிக்குறிப்பு:

( ஸர் எர்ஸ்கினெ பெர்ரி (ராயல் ஏசியாட்டிக் சொசைட்டி இதழில் இவர் கட்டுரையைப் பார்க்கவும்) சொல்வதைப் போல ஆளும் வர்க்கத்தின் மொழியான ஆங்கிலம், பிரிட்டிஷ் இந்தியப் பகுதி முழுமைக்கும் பொது வியாபார மொழியாக ஆக்கப்பட வேண்டும் என்று உடன்படுகிறேன். ஆங்கிலம் தேறினால் மட்டுமே மேலிருந்து அடிமட்டம் வரி உள்ள அனைத்து அரசுப் பதவிகளிலும் நுழைய முடியும் என்ற அவசியத்தை கொண்டு வந்தாலே போதும், இது எளிதில் நிறைவேறி விடும் என்பது உறுதி. எல்லா இடங்களிலும் உள்ளூர் வாசிகள் இந்த முறைக்குக் தகவமைந்து கொள்வார்கள் என்பதோடு, தயக்கம் காட்டாமல் (alarcity) மகிழ்ச்சியாகவும் முன்வருவார்கள்; புது ஆணைக்குத் தப்பிக்க முடியாது என்பதால் ஆங்கிலப் பள்ளிகளும் ஆங்கிலம் கற்கத்தேவையான இன்னபிற வசதிகளும் வேகமாகப் பெருகிவிடும்.மேல் கண்ட பத்தியை அது எழுதப்பட்ட காலத்தின் ஞாபகார்த்தமாக(1855) மாற்றாமல் அப்படியே முன்வைக்கிறேன். குறைந்த அளவு மெட்ராஸ் பிரசிடென்சியைப் பொறுத்தவரை இந்த மாதிரி சிபாரிசு இன்று தேவையில்லை. 1861ல் ஆங்கிலம் உட்பட்ட பொது அறிவுக்கென்று ஒரு பொதுத் தேர்வு முறை நிறுவப்பட்டு, ஆண்டுக்கு ரூபாய் 25க்கு மேற்பட்ட சம்பளம் உள்ள பொதுப் பணித்துறை வேலைகளுக்கு இந்தத் தேர்வு கட்டாயமாக்கப் பட்டது.1867ல் இது ஆண்டுச் சம்பளம் ரூபாய் 20 என்று திருத்தி அமைக்கப் பட்டது. இந்த ஏற்பாடு கிராமப் புறங்களில் கூட பொதுப்பணிக்கும் பொது மக்களுக்கும் பரஸ்பரம் வசதியாக அமைந்துவிட்டது. இந்த ஆணையை இதற்கு மேலும் விரிவுபடுத்த அரசு முன்வரும் என்று நான் கருதவில்லை.)

(தொடரும் ...)

Robert Caldwell - Comparative grammar of Dravidian Languages (Tamil Translation)

Original book:
Title: Comparative grammar of Dravidian Languages (Tamil Translation)
Author: Bishop Robert Caldwell
Note: In this blog you can read Tamil translation of the book as a serial. This is part-1 in the serial. Skipping contents and foreword pages for now and starting directly at where the matter starts.

2.   அறிமுகம்

திராவிட ஒப்பிலக்கணம்

பல்வேறுபட்ட திராவிட மொழிகளின் இலக்கணக் கோட்பாடுகளை ஆராய்ந்து, ஒப்பிட்டு அவற்றின் மூல கட்டுமானத்தையும் தனித்துவத்தையும் பற்றிய மென்மேலும் ஆராய்ந்து வளப்படுத்துவதே இந்த நூலின் இலக்கு.

ஐரோப்பிய, ஆசிய மொழிகளின் வகைப்படுத்தல் வழி அமைந்த மொழிக் குடும்பங்களுடன் இந்த திராவிட மொழிக் குடும்பங்களுக்கு உள்ள தொடர்புகளையும் வெளிக்கொண்டு வருவது இந்நூல் ஆசிரியரின் குறிக்கோள்களில் ஒன்றாகும்.

ஒவ்வொரு திராவிட மொழியின் கட்டுமானமும்  ஆழ்ந்து ஆராயப் பட்டாலும் அதனதன் முக்கியத்துவத்தையும் ஆசிரியரின் அந்த மொழி அறிவையும் பொறுத்த வகையில் தமிழ் – ஆசிரியர் ஏறக்குறைய 37 ஆண்டுகள் தன் இறைப்பணியில் கற்றுக் கொண்ட மொழி, திராவிட மொழிகள் எல்லாவற்றுக்கும் முதலாகவே வளர்க்கப் பட்டுவிட்ட மொழி, பன்பட்டுவிட்ட மொழி – பல்விதங்களில் திராவிட மொழிக் குடும்பங்களுக்கு உதாரணமான மொழி என்பதால் இதன் மீது அதிக ஈடுபாடு காட்டி எழுதப் படுகிறது இந்நூல்.

‘திராவிடம்’ என்ற பொதுச்சொல் இங்கே தென் இந்தியாவின் பெருவாரியான மக்களால் பேசப்படுகின்ற பல மொழிகளையும் குறிக்க உபயோகப்படுகிறது.

ஒரிஸா தவிர்த்து குஜராத்தி, மராத்தி பேசுகிற மேலைப் பகுதி இந்தியா தவிர்த்து, மற்றபடி விந்தியமலை, நர்மதா நதியில் தொடங்கிக் கன்யாகுமரி வரை உள்ள தீபகற்பப் பகுதியில் தொன்று தொட்டு வசிக்கிற மக்கள் அனைவரும் ஒரே இனத்தின் வெவ்வேறு கிளைகள்; ஒரே மொழியின் வெவ்வேறு திரிபுகளைப் பேசுகிறார்கள்; இவை அனைத்தும் ‘திராவிடம்’ என்ற ஒரே சொல்லால் இங்கே குறிக்கப்படுகிறது. இந்த மொழிக் குடும்பத்தின் கூறுகள் வடக்கே வங்காளத்தின் ராஜ்மஹால் குன்றுகளையும் தாண்டி பலூசிஸ்தானம் வரை விரவிக் கிடக்கின்றன.

குஜராத்தி, மராத்தி (அதன் தொடர்புடைய கொங்கணி), ஒரிஸ்ஸாவில் பேசப்படும் ஒரியா, சமஸ்கிருதத்தில் இருந்து உடைந்து கிடக்கிற ஹிந்தி என்று தீபகற்ப இந்தியாவில் பேசப்படுகிற பிற மொழிகள், பேச்சு வழக்குகள் அந்தந்த வட்டார வழக்குகளாகவே நிறு விடுகின்றன. இதையும், திராவிட மொழிகளையும் தவிர்த்து இன்னும் சில மொழி வழக்குகள் உள்நாட்டைச் சேர்ந்தவை என்றோ பேச்சுவழக்குகள் என்ற வகையிலோ ஒருசில சமுதாயத்தைச் சேர்ந்த மக்களால் மட்டுமே தீபகற்ப இந்தியாவில் பேசப்படுகின்றன.

(தொடரும் ..)